炎明熹肚屙不適遲大到 台上腳仔軟跌倒落淚

yahy

【炎明熹肚屙不適遲大到 台上腳仔軟跌倒落淚】

韓劇《#魷魚遊戲》熱潮未過，同劇中主角 #李政宰 撞樣嘅 #譚俊彥 及「#木頭人」#炎明熹，今日到將軍澳出席活動，炎明熹遲咗25分鐘才現身，等候期間，譚俊彥同記者講，指炎明熹唔舒服去咗買藥。

活動開始時，着住短裙同外褸嘅炎明熹，突然腳仔軟向後跌低，譚立即走上前護花遮擋鏡頭，並幫忙扶起佢，之後炎明熹起番身後，繼續活動，譚俊彥即場炮製「韓風沙律」畀炎明熹試食，點知炎拎住杯嘢食時，突然喊起上嚟，大會帶咗佢入後台休息，十分鐘後炎明熹除咗件外套再上台主持亮燈。

司儀問到有乜聖誕願望？炎明熹表示：「希望大家聖誕節快樂，保重身體，唔好好似我一樣，希望大家越嚟越健康。」啱啱出新歌嘅譚俊彥，就話自己唱歌冇炎咁好聽，如果大家鍾意，佢都會唱多啲。

https://lihkg.com/thread/2781236/